MAGDALENA DEL MAR Hor poema bat idatzi eta bidean galdu nuen.
Komentua igarota poliziaren kuartela
plazatxoa estatua narras horrekin, bertako gobernadore baten iraupen-gosearen fruitu. Nire poema
faktura baten ifrentzuan idatzia kostako brisara gaziak
eraman zuen Magdalena del Mar auzoan.
Bikote bati buruzkoa zen motoan zihoan polizia bati buruz
zehatz esateko frenatu egiten zuena Ozeano Barera doan aldapan
eta hasieran erasoa zirudiena –polizia bat
neska gonalabur baten ondoan geratzen– nobela
bilakatu zen musu konfiatuaren bitartez. Oratuta
poliziaren bizkarrari igo ziren, u formako buelta egin eta gero.
Gogoan daukat jatorrizko idazkian aipatu egiten nuela
agenteak ilusioz beterik jotzen zuela klaxona.
MAGDALENA DEL MAR |