Nire azal lausoaren barruan

etenik ez duen higidura ari da,

dena berritzen duen hautsa dut

suntsika.

 

Babesten nauen azalaren eta

elikatzen dudan haragiaren barruan

bada izendatzen nauen ahots bat:

hauts tinkoa.

 

Ongi dakit ez dudala nik hautatu

gorputz setatsu baina indarge honen gauza,

errauts kate bat daramat herrestan:

betiereko hautsa.

 

Ni bezala urtealdiak dira joan

barne borroka pairatuz

hautsa haren erraiez jabetuz doa

elikatzeko...

 

Gizatasuna, hautsak egin saioa!