AUBADE “ Maitea, zure eskuen isiltasunaren beldur naiz.” Mahmoud Darwish
Gauean, ene bihotz, basoa hoztu egin da eta hosto bakoitza dardaraz dago badakielako noizbait eroriko dena, hori eta astigar-gorri eta malba koloreko hotzikarak, udak hilzorian den gorria oroitarazten du. Oinez noalarik, ibaiak nire oin marka arinenak daramatza, nire gorputza haizekirri zorrotzean oreka mantenduz doa. Urertz aldenduan utzi behar izan zintudan, kanaberen landaretza ernetzen zela ohartu, begi baten iridiszentzia finkatu gabea. Nola bananduko garen goizak daki bakarrik eta ihintzak dagoeneko esan du. Bihar etzi ohartuko gara mingaina gure isiltasunez gogoratzen dela edo gaueko intzirien hiztegitik hitzak eskatuko dituela maileguan. Minak hitz berriak erakutsiko dizkizu eta erantzungo dizut, huts, danbor soinu eta oihartzunekin, isilka itxitako oinatz eta ateek, inoiz ez dizutela begiratzen ez direla bueltatuko. Hitzok jartzen ditut loaren kutxan, loa etorri aurretik. Lur ematea eta odolaren aurretik.
AUBADE |