MARIA
Nahwan Darwix

andreasetagudrun, 20212
euskaratzailea: Hedoi Etxarte
armiarma.eus, 2021

 

Azken garaiotan, nire ama Jesusen irakurketengatik pasioz betea dago. Bere ohearen aldamenean pilatu ditu liburuak (nire liburutegitik hartzen ditu sarri): eleberriak, eskuliburuak, aitortza liburuak eta elkarri kalapita egiten dioten autoreenak. Batzuetan bere gela ondotik igarotzen naiz, orduan haien ondoan eser nadin diost.

(Duela gutxi Kamal Salibi1 historiagilea lagundu nuen harri katoliko batek bere kopeta joa zuelako!).

Jesusen bilaketan serioa denez, beti huts egin izan diot andre horri: ez nintzen martiri izan lehenengo intifadan, ezta bigarrenean, ezta hirugarrenean

gure artean, ez naiz behin ere izango etorkizuneko intifada bateko

martiri

eta ez naiz hilko zikoina-bonba baten leherketan!

………………………………………….

………………………………………….

Andreak irakurtzen du eta bere irudimen ortodoxoan orrialdero gurutziltzatzen nau

eta nik ez dut ezer ere egiten liburuak eta iltzeak eramateaz gain!

 

MARIA
Nahwan Darwix

andreasetagudrun, 20212
euskaratzailea: Hedoi Etxarte
armiarma.eus, 2021