Emakumearen soina urregorrizko ibaia,

zeinetan gure besoak murgilduz, dartugun,

tximist oztin antzeko argitada urratudun

mats mordo guri batzuen urre-dirdai bitxia.

 

Emakumearen soina urregorrizko itxaso

zeinetan eskuak maitatuz, asma ezin degun

(bularrak ote diran olatu) besoak arraun

ala bakarrik egoak diran urregorrizko.

 

Emakumearen soina negarrezko iturri,

ainbeste argibide ondoren eta ainbeste

ikumenez Tantalaren oñaze samingarri.

 

Alaka ots, ots dagi Iainkoaren bakartadeak,

biren bakartadeak. Ta otsik ez dagin kate

batek Iainkoan lotzen ditu lokatz ta arimak.