MEYERS DOKTOREA Hill, mediku zaharra salbu, ez dago inor herri honetako bizilagunen alde nik baino gehiago egin duenik. Dirubako erkin, hebaindu eta burubako guztiak artatzen nituen. Meyers doktore adeitsu eta onbera nintzen. Osasuntsua nintzen, zoriontsua, diruduna, emazte ona nuen, seme-alaba helduak, denak esposaturik eta lanean arrakastadunak. Baina behinola, gau batean, Minerva poeta etorri zitzaidan, negar batean, bere arazoa konpon niezaiola eskatzera. Laguntzen ahalegindu nintzen arren, hil egin zen. Salatu egin ninduten, egunkariek nire izen ona zikindu zuten eta nire emaztea hil egin zen bihotza guztiz hondaturik. Eta ni biriketako min batek kalitu ninduen.
MEYERS DOKTOREA |