OLLIE MCGEE Antzeman diozue herrian tirrin-tarran dabilen begizulodun lelo aurpegi horri? Nire senarra da, aitortu bako ezkutuko krudelkeriaz edertasuna eta gaztetasuna ebatsi zizkidana, zimurrez beterik, hortzak horitu, harrotasuna puskatu eta apaltasun lotsagarriz hilobiratzea eragin zidana. Zuen aburuz, zerk kraskatzen du nire senarraren bihotza? Nintzena, izanarazi ninduena! Horrek dakar natzan hobira. Hilik mendekatu naiz, hortaz.
OLLIE MCGEE |