IDAZTEA Idaztea hitz txikiekin hitz arruntekin hitz oso zehatzekin begihitzak animali hitzak katumuturhitzak lakarrak barrutik eta kanpotik «beharbada» bezain leunak zartadahitzak «gehiegi» eta «berandu» bezalakoak
idaztea
gezurrik ez esateko
hitz abstraktuekin gezurrak esateari uzteko soilik axola duena esan ahal izateko
esatea gaur gaueko hamaiketan argiak nire burkoaren ezkerreko aldea berotzen duen bitartean eta izara berdea destolesten armairuko ispiluan nigan nagoela neure burua topatzera ohituta nagoen lekuan berdinean irautearen arroztasunez osatutako hemen honetan nire burua errepikatzen haragi mindua hezur zaurituak nerbioak, azala tenkatua, ubeldua ilea urdindua geroratutako oihua eta gaur hamaiketan gaurko gauekoan nire burkoaren ezkerreko aldea argiak berotzen duen bitartean
ume bat hiltzen da edo bi edo ez dakit zenbat hiltzen diren eta atso batek bere azken hitzak esaten ditu edo ez eta hiltzen da
eta beste bat da hitz egiten duena baina ez du hitz egiten, esaten du apenas esaten du eta hiltzen da esan gabe apenas ezer eta zerbait kontrako eztarritik joan zait beharbada alarau bat gaurko gauaren hamaika orduak bezain luzea edo beharbada kontzientzia erne lo egiten duena su-argia halakoa kontzientzia hiltzen diren guztiena sutzar bat bezalakoa sute izugarri bat leihoetan hedatzen dena hirian eta itsasoan ez dena itzaltzen kontzientzia absurdo bat lastargiortzimuga bat beren lastargi hezurretan agortzen ari direla dakiten guztien kontzientzia gaur, bihar, beti
idaztea heriotza guztiak nire heriotza dira nire oihua guztiona da eta ez dago baimenik idaztea
baimentzeko? idaztea matxinatzeko! ez dago lekurik erreguentzat ez dago lekurik soseguarentzat matxinadan doitzen dira arimak
Bakarrik gaude eta geure buruarenak gara. Gugan dago boterea Arimen herri bat gara matxinadan Esnatu! Hemen idazten dudana airean marrazten da mina da bidea mina da bitartekoa minetik dator minari aurre egiten dion indarra eta eraldatzen du minagatik desegiten dut nire mina arrotzean eta arrotzarena nirean
idaztea
des-esperatzeko dauden guztiengatik joandako guztiengatik desagertuak idaztea zaintzeko haien des agerpenak elikatzeko ez daitezen uhertu hain goiz hain beti goiz
idaztea
desegituratzeko garaitzeko egiturak kontra esateko esandakoa eraisteko
IDAZTEA |