Besteek zeru eta etxe bana duten bezala

nik emaztea dut.

Nik emaztea dut besteek umeak dituzten bezala,

umeek artzainak dituzten bezala,

artzainek itzala bezala.

Emaztea dut

besteek denboran bidea duten bezala

eta urrutiko argiek esperantza bezala.

Errari nabil galdez

gizonak soroan

eguzkipean

non dagoen

galdetzen duen bezala.

Bakarrik erortzen naiz ihintzetan

bakarrik zutitzen naiz haizearekin

eta ez da inoiz akabatzen nire atseden ilargia.