|
8 (ZORTZIGARREN POESIA BERTIKALA) Lortu behar dugu idazten dugun testuak irakur gaitzan. Lortu behar dugu entzuten dugun musikak adi gaitzan. Lortu behar dugu maite dugun horrek sikiera maite gaituen itxura eman dezan.
Ezinbestean eraitsi behar dugu norabide bakarreko errealitatearen ilusioa. Beharrezkoa da oraingoz gauza bakoitzak gutxienez bi izan ditzala, nahiz eta hondoan badakigun norabide guztiak ez dituenak ez duela bakar bat ere.
Lortu behar dugu begiradaz sortu berri dugun arrosak aldi berean gu sor gaitzan. Eta lortu gero infinitua berriz erne dezan.
8 (ZORTZIGARREN POESIA BERTIKALA) |