Esango ez diren hitz batzuk sortzea,

soilik kontenplatuak izateko,

leizeko kreatura jaio berrien

aurpegiak balira bezala.

 

Hitz horiek sortzea

erabilia izango ez den su baten

doakotasun asaldatu berarekin,

zeina gure funtsezko doakotasunaren

ispilu hipnotiko baten pare erreko baita.

 

Hitz horiek sortzea

soil-soilik jolasak jarrai dezan

existitzen ez den itsaso batek

neurri berean existitzen ez diren arrain batzuk

eta aldiz existitzen diren olatu batzuk

itxarongo balitu bezala.