EL ESCORIAL

Eguzkipeko bazkari baten ondoren paisaia

erre harrizkoa eta Santa Teresaren eskuizkribu

klimatizatuak tintak atzo bezain lehor hainbeste

jantzi janzteke apaizentzako eta hilobiak

 

sangria eta martini gozozko kripta bat da

honetaz eta hartaz hitz egiten dugu eta beste mingainek

intimitate basilika bat egiten dute gure inguruan fraideek nola

aitortza baten arratsalde malgua Espainiako lautadan

 

Grekoaren martiritzan hain espazio gutxi okupatzen dugu

ezen inork ez duen nabaritzen immanentziaren zori tristea egia bihurtzen

salbu eta artista zoro batek zakur bat baino atseginago itsu da

gitarra hari bat entzuten du karraskan gure espazioa da entzuten duena

 

 

PLAZA DE ESPAÑA

Ezin duzu egin ezin duzu gauza bat egin

nahiz eta harea loreekin datorren hotz

zainzuri kafea hutsarekin

parke bakarra gara taberna haizetsu batean

beste parke bat ikuskatuz garaiera handitik

 

gero gauez ibaiak jario

eta Portugalerako errepideko argi axolagabeak

ez gara gehiago parke bat ez gara plaza bat

ez dakit iragan multiforme erraldoia

datorren zehatzen bere gelditasun zuhurrean

 

eraikin bihurtu gara modu kixoteskoan

gehiago hazi gabe edo egunaren adarrak jasanez

sekula iraultza bat hartu ez duten hondakin bihurtzeko itxaroten

edo oturuntza bat edo tifus kasu bat maite dut halere

iragana inoiz maiteko dudana baino gehiago maite dut gure itxaroa

 

 

PONTE FABRICIO

Bakarrik eta erdibidean oraindik

berdez inguratuta oraindik lehertu ez den ekaitz-hodei bat nola

hemen ibaia bizkortu egiten da eta haurrek ez dute inoiz igeri egiten

hemen naiz Erromako zaharrena trafikora ohitu gabea

arbuio figura bat niretzat besterentzat oroitzapen bat

nire lotura akastunen mina ez da urritzen ur-lasterretan

pentsatzen dut ez naizela berreraikia izango

pentsatzen dut erortzen hasi naizela eta itsasoan bukatuko dudala

pentsatzen ditut gogapen erdiak ez naiz iristen beste urertzera