Zutik ikusten zaitut

arroka batean hor

nire gogo arinean

zure gorputzaren irribarrea

itsas enara bat nola amiltzen den

eta arrainak irensten

arroka beroetatik

ur izozturaino

gora joanez

beheratuz

urrezko iaz

bezala beti urrezko

zure begi samurrek

uretara murgiltzera naramate

alga berdezko

lakio bat bezala

eta han erortzen naiz

arroka erraldoiak

ohe bikiak bezala dira

eta senadiko marea

tapiz bat gure azpitik

gordean erretiratzen