Zure aldamenean nire izena berreskuratzen dut

Distantziaren zamaupean luzaro ostendutako nire izena

Sukarrak estaltzen ez dituen zure begiak berreskuratu ditut

Eta zure irribarrea itzala zulatzen duen sugarra iduri

Afrika itzuli dit antzinako elurretatik haratago

Hamar urte maitea

Eta ilusioen goizak eta ideien hondakinak

Eta alkoholez blaituriko loak

Hamar urte eta munduaren hatsak bere oinazea isuri dit

Oinaze hau biharamunaren kutsuaz zamatzen duena oraina

Eta maitasuna bihurtzen ibai amaigabea

Zure aldamenean nire odolaren memoria eta

Irrien idunekoen egunak berreskuratu ditut

Berritutako pozez dirdai egiten duten egunak.