Afrika ene Afrika

Afrika asaben sabanako soldadu harroena

Afrika amak kantatzen zidana

Bere ibai urrunaren ertzean.

Ez zaitut inoiz ezagutu

baina nire soa zure odolak betetzen du.

Lurretan hedaturiko zure odol beltz ederrak

zure izerdiaren odolak

zure lanaren izerdiak

esklabotzaren lanak

zure haurren esklabotzak.

Afrika, esadazu, Afrika
zurea ote umiliazioaren hankapean etzatera

makurtzen den bizkar hau

Orbain gorriko bizkar dardarti hau

baietz diotsona latigoari eguzki beteko bideetan.

Ahots batek erantzun dit orduan, sakon.

Seme suhar, arbola sendo eta gazte hau

han behereko arbola

zoragarriki bakar lore zuri eta zimelduen erdian

Afrika da, zure Afrika, ernatzen

Pazientziaz eta egoskortasunez ernatzen.

Arbola non fruituek baduten hartzen, pixkanaka,

Askatasunaren zapore mikatza.