Oinarrizko hitzak

aurkitu. Ikasi zelan esaten den barkatu

kolpean sartzen denaren hizkuntzan.

Eta egunon eta eutsi

eta zu ezagutzera etorri naiz, ikasi

zelan esaten den eskerrik asko apurtzen dutenen

eta baita apurtuak direnen

hizkuntzan,

zelan esan

kafea, laztana, aberria

shalom, salam aalaikum, ikasi

zelan esaten den aurrera, sartu, hauxe da nire etxea

hegoaldeko herri batean zeinean ozta-ozta

geratzen diren hondakin batzuk, ikasi

obrigada, spasiba, ikasi

ze kolore ez diren Afrikako hizkuntzetan.

Eta zelan erantzun baietz Pekinen.

Hirietara heldu eta merkatuaren

bazter guztietako kontuak topatu,

ulertu,

ikasi

zein den arima hitzaren etimologia

lurralde bakoitzean, eta zelan agurtzen zuten

gure arbasoek beldurra.

Hitz oinarrizkoak aurkitu

eta gero hitz egin.