Gauza eder bat kontatuko dizuet. Lurralde honetan

jendeak bere seme-alabengandik hartzen du izena.

Abu Jaledek, Jaleden aitak,

Abu Fatmak, Fatmaren aitak,

horrela egin zuten,

eta haiekin batera beste batzuek.

 

Eta baita emakumeek ere,

amek,

zeinak deituko diren

Um Fatih, Um Llaila, Um Omar.

 

Hemen, non biharamuna ez den leku segurua,

jendeak seme-alabengandik hartzen du izena,

bere baitako apurren bat beste batengan

gordeko delakoan.

 

Norbait jaiotzen denean

hasiera berri baterako abagunea da.

Baliteke gaurtik aurrera

dena beste era batera deitzea.

 

Zuhaitz genealogikoak laranjondoak dira

eta adarretatik hasten dira.

 

(Hauxe da gertatzen dena

leku honetan mendeak direla

ezer aldatzen ez bide dela diozuen bitartean).