Har ezazu, hau neure gorputza da,

denboralak bizi izan ditu eta barruan animalia txikiak daramatza

beren izenagatik dinosauroak izan litezkeenak.

Har ezazu, hau neure gorputza da,

zeure zain egon da,

goizero botatzen diot perfumea eta sarritan

ez dit lo egiten uzten,

ondo begiratzen baduzu ikusiko duzu zeure eskuen

forma duela inguruneetan.

 

Har ezazu, hau neure besoa da, zeurea,

Hau neure ezpaina da,

zeurea,

hau neure gorputza da eta laster

larrua,

barrua,

zeurea,

negarrez hasiko da maitearen maitez,

laranjak, haizea

 

har ezazu,

hau neure gorputza da,

zeure zain egon da,

 

batzuetan ez zaude eta bera ez da ezer,

 

noizbehinka gorputza da,

 

noizbehinka ahotsa.