ATALASEA: GLAD FOR THE PRIVACY
(While other may prefer Julião Sarmento) Atalasea. Oldarra oinean. Beste batzuek ogia eta inertzia jaten duten bitartean aukeratu behar ez izateko denbora izateko. “Gona” hitza, adibidez, prosaikoagoa balitz, “soineko” hitza baino eta aldaka haragijaleagoa soinekoari tira egiten dionean, etereoago gona barruan baino beste batzuek bitartean. Gizon bat dauka zain gelan. Atalasea egian sartzeko ataria balitz ez litzateke geratuko edertasun tintik. Gorputz-enborra biluzik, itxarotea. Hizkera ikusezina dago gizonaren eta emakumearen artean, emakumea behin-behinean pausaldi ekidoa eginez oin biluziaren gainean. Gorputza aurreraka doa. Emakumeak bere bizitza zehazgabetzen duen alde bakarra du estalita, aurpegia, sorbaldak solte soinekoaren barruan. Joan-etorriko pausoak goian ernetzen dira, begiraden trukean, edo agian berak harridura piztu nahi dio, besterik ez. Une hau atxikitzea ezereztea izango litzateke eta oraindik ere zaila da perfekzioari aurre egitea: atalasea aukera guztien behin-behineko tokia da. Besteen lehentasunekiko axolagabe, emakumea. Nondik etorri da? Hanken mugimendu zeihar lotsatia soinekoaren margultasuna laztantzen. Besarkatu egiten du eta gizonak ez dio ezer xuxurlatzen. Erraietan hitzik gabeko ahotsa lausotzen duen suagatik da. Maite nauzu? Bitartean beste batzuek nahiago dezakete isiltasuna. Kadentziak. Pasatuko dizkidazu frakak? Ondo egon da, bai, ondo egon da: agian hurrengo batean berriro. Nola esan duzu daukazula izena? Bitartean beste batzuek nahiago dezakete izena sarreran jakin eta oihuka esan zaratots handiarekin. Atalasean dagoen emakumeak oraindik ez daki maitasuna ez dela atearen markoa eta kristalaren gardentasunak nahasi egiten du. Baina gorputza aurreraka doa eta ezerk ez dio sabela baretzen. Ausartzen da bera usatzen duen mugimendua egiten beste batzuk kosta ahala kosta inon ez egoten saiatzen diren bitartean. Begiekin besarkatzen ari dira elkar samurki izaren zurira amildu orduko. Gizonak begiekin eta bizitzarekin maite du. Kafea egiten dute ura isuri eta emakumeak irakin eta gizonak eguneroko berbak errepikatzen dituen bitartean. Emakumea atalasean dago, oin batean pausatua beste oinak atalase batetik hainbatera hegan egiten duen bitartean, atalase ireki batetik non izen guztiak, begitarte guztiak multzo infinitua diren.
ATALASEA: GLAD FOR THE PRIVACY
(While other may prefer Julião Sarmento) |