Biharko lanen zirrimarrak izenik eta iruzkinik gabe

daude eskuan izkiriaturik,

kitzikadura une batean arkatzez harramazkatutako

irudi konplexuaren gisako.

Ez dezatela zure eskuek dar-dar egin,

haien mugimenduan oinarritzen da maitasunaren etorkizuna,

eta Lurraren lurrina,

eta aroaren edertasuna,

eta aintzaren egiturak, berdin…

 

Baina guztiak dirau ezegonkor eta lauso…  

Eskuetatik irrist doa etorkizuna bera,

nola ontzi alderraia lurmutur arrotzetik ihes…