Sukar zuriak izoztutako mendiak daude,

sukar zuriak garraztu dituen ibarrak,

bada urte bat, jendetza bat, itsaso bat sukar zuriz hanpatua,

bada baso bat, iragarle bat, ume bat sukar zuriarekin dardarka.

Bideak, hiriak, zerumugak, izarrak,

eta zerua bera sukar zuritan amiltzen,

sukarrak jotako laino zuriak,

sukarrak jotako Ahotsa,

Hitza bera sukarrak erasanik…

 

Esango dira noizbait hitz xarmagarriak azkenik,

bizitza lili zurien gisan

baketsu eta sukarrik gabe heda dadin?