Ohitura zahar baten arabera, partitzeko tenore duenean,

Gauak mihia ateratzen dio Egunsentiari,

zuk atzera egin duzulako tarte batez zeure lekua hartu nahi duenari

trufa egitea bekatu ez delakoan

–hartara, amore emate bakoitzeko auzitan jartzen den

zure nortasun txinpartatsua berresten duzu…–.

Egunsentiak ere ateratzen dio mihia Egunari,

eta Egunak Arratsari egiten dio burla bere mihiaren zuriaz,

eta berdin Arratsak Gauari errepikaren errepikaz…

 

Zeremoniaren hurrenkera ez litzateke perfektua  

inork mihia atera ezean.