Ez zure belarriak itxi

—lurrean egin ez dutena aise egingo dute zeruko zelulen baitan—.

Entzuten duzu txiki-txiki egin arte birrindutako hezurren kraska?

Gure planeta gaineko gune huts amaigabeak estali dituzte.

 

Hezurrezko zeruaren pean oinez zoaz orain,

eta badakizu beherantz datozen elur maluta errukarri horiek

hezur-hautsekin nahasturik datozela;

tormentua arauzkoa da,

hazbete huts bakoitzarekiko proportzionala,

eta odola bera tantaka isurtzen da, halabeharrez,

denboraren barrunbe orotan barna.