Amodiozko hogei poema
eta kanta bat bakar-mindua

Pablo Neruda

1924
euskaratzailea: Jose Luis Padron
Baigorri, 2004

 

III

Ai pinutasuna, olatuen zurrumurrua apurtzeke,
argi jolas lolo, kanpai bakarti,
zure begietara abaildurik ilunabarra, panpina,
maskor lurzale, zugan da lurra kantari!

Zugan kantari errekak, eta haiengan doa ene arima
zuk gura legez eta zuk nora nahi bezala.
Zure itxaropen arkua bidali nire bide bila
eta utziko dut amets eskean aske nire gezi-andana.

Nigandik biran dakusat zure lainozko gerria
eta atera da nire orduen atzetik zure isiltasuna,
eta harri gardenezko zure besoekin zara
ene musuen mugiezina eta ene busti-ikararen lekua.

Ah arrasti oihartzun- eta herio-lanetan
maitasunak blai eta jotako zure ahots ezkutukoa!
Era horretan barrengo une zelai gainetan ikusi ditut
galburuak makurtzen haizearen ahoan.

 

Amodiozko hogei poema
eta kanta bat bakar-mindua

Pablo Neruda

1924
euskaratzailea: Jose Luis Padron
Baigorri, 2004