MAITEA HILIK EGOTEA DU AMETS Hilik eta hotzik bazeuntza eta mendebaldeko argiak itzaliko balira hona zentozke burua makurturik eta neure burua zure bularrean pausatuko nuke nik eta zuk hitz samurrak xuxurlatuko zenituzke niri barkatuz, hilik izaki jadanik.
Ez zinateke jaikiko ez lehiatsu jalgiko txori herratuaren gogoa duzun arren, baina badakizu ilea gatibu duzula eguzkiaren, ilargiaren eta izarren bornuan; nahi nuke, laztana, lurrean bazeuntza, matxinbelar hostoen azpian, izarrak, banan-banan, itzaltzen diren artean.
MAITEA HILIK EGOTEA DU AMETS |