TORTURAK Tortura iezazkidak begiak Begiko bi Bina bekatxoz! Tortura iezazkidak besoak Eskuko sei Seina eskala minorrez Estu ditzaten zoro! Garuna dalia egina Horixe ikusi behar nukeen Eguzkia bera mozten duen Ardatza galdutako goiz honen Mihi urdinetan biluzik… Dalia den arren, garun honek oihu: Tortura iezadazue zerebeloa Konekta iezadazue elektrodo bi!
Nor da lore zuriz estalia, Garretan biluzia? Bihotzez egiten ahal dut barre Urari gatza xukatzeko Kulunkan gintuen urari Non belar, gorbel edo azti Trabes doan sabel hau Trabes doazen bost kontinentek Desbideratua. Torturara!
Guri segika ditugun Begion handitsuetako zorne zahar honek oihu: Ibaia ez da berriz Auzokoaren bihotzean Gorputza hil arte Gaueko ezkila kantari Biziei hats ona ematen zien oilarra Goiz beltzari lotuz Txantxar bako hortzen Izarniadura! Beltza! A, luxu hau!
Gibeleko sei zirrosiei… Eta gero ilar lurrintsu geruza baten gainean Odaliska limurtia Eratzan genuen dena biluzik Bere ametsean…
Entzuten ari naiz organoak, Badatoz haurrak, Maite dute elkar! Haurrak izerditan oinetako barruan Beren arrangurak baino are handiagoko oinetakoa Ogia iduri Ipurmamiei tximista bezalako ukaldi baten esker ona Zin egiten dien oinetakoa. Tortura ezazue tortura oro! Halakorik ez!
Sabeleko oinazerik minenen sekretuan Hartu ohi dut emakumezkoen Odola: baina isil nadin.
Bego: arima dut Ene bihotzak bekaitz didana Baina oinok: bata oker Bestea herren.
Tortura ezazue! Tortura ezazue!
Egiten ote dugu korapilorik Ur bizi edo geldo edo lo batez? Alabaina Errotulak galdu nituenetik Ataririk ez elizetan Ez bihotzez bihotz Ez sabelez sabel Epaileenean baino Ateak itxian jotzen dugun Kristoren Pasioan. “Epaile jaunak… gezurrezko beltzak zarete!” Ez dadila inoiz torturara Zuetan egiazkoena!
TORTURAK |