gauez atera ginen

iluntasunetik jateko

hainbesteko argitasuna

nahi izan genuen

geure izan zedin

urezko haragia

itsasoan behera

ilargi-ahots ginen

proako farola jotzen

basoz betetako potinean

 

atzamar ginen

haragiaren labarretan

behin eta berriro

hil-hurran

jausteko bertan

 

eta hala ekin zioten

olatu zelatarietan

balearen zirrista biziek

borondatezko naufragio

antzeko hari

 

hala hiltzen gara orduan Jonas

bekatuaren aho gaitzean