OLDARREAN DATZALA Ilun pean, Arratsean izango da bere memoria, Sufritzen duenean, izerditzen denean Bilatzen eta aurkitzen ez duenean Hondartzan hiltzen doan gabarran Bala hatz egilearen abiatze txistukarian Sufre uhartean izango da bere memoria.
Sukarra berean edukiko duenean, murruak axola Ez zaizkionean Jauzi egin eta hormen aurka baizik ihardoki ez duenean Damutzen ez den gaizkilean Beti zalantzaz dagoen ahulean Gorputzak ihes egiten dion maitalean Espazioak karruskatzen duen ibiltarian.
Tunelean Bere baitara biribilkatzen doan oinazean Hilerriak zimurtzen ausartzen denean.
Zartatuz elkar jotzen duten astroen Orbita sutsuan Ontzi inguman, andregai zimelduan Arrastiriko kantan izango da bere memoria.
Itsasoaren presentzian Epailearen distantzian Itsutasunean Pozoi kikaran.
Zazpi itsasoen kapitainean Ezpata garbitzen duenaren ariman Herri oso baten alde negar egiten duen seskazko organoan Eskaintzaren gaineko tuaren egunean.
Neguko fruituan Berriz hasten diren borroken birikan Txalupa barneko eroan.
Nehoiz asetzen ez diren desioen beso bihurtuetan Izango da bere memoria.
OLDARREAN DATZALA |