HERRI TXIKI Ene herria hain da txikia eguzkia lotara doalarik inor ez da ikusi izanaz segur. Diote andere zahar jakintsuek horrexegatik dela itzultzen. Aho-handikeria dela? Zer ardura ote dio! Horrelaxe maite dut nik eta ez nuke asmatuko besterik esaten.
Ene herria hain da txikia kanpandorre gainetik auzoko kanpandorrea da beti ikusten. Diote herrixkak beldur direla, bakarrik sentitzeko beldur, handiegi izateko beldur. Zer ardura ote dio! Horrelaxe maite dut nik eta ez nuke asmatuko besterik esaten. Kantari nator eta beti izanen naiz ene herriaren maiteminez eri.
Ene herria hain da txikia bihotzaren barnean beti da sartzen eta bizitzak kanpora bagaramatza kontrabandista ibiliko gara bihotz-sekretuen detektoreak asmatu artean. Zer ardura ote dio! Horrelaxe maite dut nik eta ez nuke asmatuko besterik esaten. Kantari nator eta beti izanen naiz eri, ene herriaren maiteminez.
Ene herria hain da txikia eguzkia lotara doalarik inor ez da ikusi izanaz segur.
HERRI TXIKI |