BELTZA MINTZO DA IBAIEZ Ezagutu ditut ibaiak: Ezagutu ditut ibaiak mundua bezain zaharrak eta giza zainetako giza odolaren jarioa baino zaharragoak.
Ibaiak bezain sakon bihurtu zait arima.
Bainatu naiz Eufratesen egunsentiak gazte zirenean. Eraiki dut nire aterpea Kongo ertzean eta loa kulunkatu zidan. Ikusi dut Nilo eta haren gainean eraiki piramideak. Entzun dut Mississippiaren kantua Abe Lincoln New Orleansera jaitsi zenean, eta ikusi dut bere bular lohitsua urre bilakatzen ilunsentiz.
Ezagutu ditut ibaiak: antzinako ibai ilunak.
Ibaiak bezain sakon bihurtu zait arima.
BELTZA MINTZO DA IBAIEZ |