Zuri zuri doa bela bakartia

Itsasoko behelaino urdinean.

Zeren xerka leku hurrinetara?

Zer uzten ote du bere herrian?

 

Uhainak jolasean, haizea xistuka,

Mastaren mugimendua, zarata.

Ai, ez doa zorionaren xerka

Ez dator zorionetik ihes.

 

Bere kila azpian korronte gardena,

Eguzkiaren urre errainuak gainean,

Eta untzia, errebelde, ekaitzaren bila,

Atsegina ekaitzean bailegoen.