|
ETXERAKO BIDEA 45 Ezustean bizirik irten Eta ohiko bidean nabil Hiriaren alde batetik bestera Gorroto dudan uniformetik libre Lapurtu ditudan jantzietan ezkutatua Tente, beldurra areagotzen denean Narrasean, aurpegirik gabeko hilotzen artean Hiri eroria niri dago begira Ni berriz beste aldera. Bost haur nire ondoan Billete-mordo batzuengatik borrokan: Jendea banketxea husten ari da. Sekula aurreztea lortu ez zutenak Aurrezki-kutxaz jabe egin dira Hotzaren kontra jantzi hitsak Paper inprimatuez bete nahian.
Ogiaren ametsak motelak akuilatu ditu Eta ausart bilakatu izuak gorturikoak Atsedenik ez garaileentzat. Eskuak askatu dituzte garaituek: Nor da ordaina? Nork jarriko prezioa? Geuk agian? Ezustean bizirik irten Eta etxerako bidean noa Hiriko bazter batetik bestera.
ETXERAKO BIDEA 45 |