|
ZUHAITZETIK ZUHAITZERA Zuhaitzak solidarioak ote dira?
demagun campos eliseoseko gaztainondoa entre rioseko quebrachoarekin edo jaengo olibondoak tacuaremboko sahatsekin?
westfaliako arteak gaztigatuko ote dio tiroleko alertze argalari bere tremendina egokiago erabil dezala?
eta parako kautxoak edo kwanza ibaiertzeko baobabak eragina ote dute friskon, kalifornian, kulunkatzen den mission doloreseko nekosta haren larrimin berdean?
bere ihintzezko panpan sentituko ote da onbua antilletako ceibaren anaiatzakoa ia?
parke honetakoek edo zuhaizti hartakoek azalduko ote diote elkarri adaburuz adaburu behinola galiarrentzat sakratua zen mihura orain parasito bat baino ez dela geruza hurrupari hutsa?
ba ote dakite libanoko zedroek eta korintoko kaobek euren arerio errukigabeak ez direla camagueyko palmondoa ez tasmaniako eukaliptoa baizik eta egurgile nekaezinaren aizkora zur enpresa handien zerra oinaztarria gauean zartailua irudi?
ZUHAITZETIK ZUHAITZERA |