Erdu, ene katu maitea, bihotz amorostu honetara;
atxiki itzazu zango horietako erpeok,
eta utzidazu barneratzen zure begi ederretan,
zeinak metal eta agataz nahasturik dauden.

Nire hatzek zure burua eta bizkar malgua
gozamenez ferekatzen dituztelarik,
eta nire eskuak zure gorputz elektrikoa
laztanduz  plazerez mozkortzen direlarik,

ene dama ikusten dut gogoan. Haren begirada,
zurea lakoa da, animalia maitea,
sakon eta hotza, gezi batek legez ebaki eta urratzen duena,

eta, burutik hanketaraino,
haize fin batek, urrin arriskutsu batek,
zure gorputz nabarraren inguruan uger egiten du.