NIK, JEHOVA, DEKRETATZEN DUT Nik, Jehova, dekretatzen dut guztia amai dadila behingoz begizkoa egiten diot eguzki sistemari
Amaren umetokira itzuli beharra dago kitatutzat ematen dut gauza.
Inork ez dezala ihes egin guztia amai dadila kolpetik zertarako itzulinguruka ibili.
Oso ongi dago Vietnamgo Gerra Oso ongi dago prostatako ebakuntza nik, Jehova, zahartzaroa dekretatzen dut
Zuek barregura eragiten didazue zuek nerbioak airean jartzen dizkidazue jaiotzetik ergela dena bakarrik belaunikatzen da estatua bat gurtzeko.
Egia esan ez dakit zuei zer esan Hirugarren Mundu Gerraren bezperan gara eta badirudi inor ez dela ezertaz konturatzen.
Mundua suntsitzen baduzue uste duzue berriz sortuko dudala?
NIK, JEHOVA, DEKRETATZEN DUT |