Higan sortzen nun goizero
Huy Can

euskaratzailea: Lucien Etxezaharreta
Maiatz 30, 1998

 

Higan sortzen nun goizero
Eta miresturik hire soarekin bizia behatzen dinat.
Hire itsas sakonaren hegietan kurri nun
Eta ene baitako barnenean sartzen nun
Hire ur ildoari jarraikiz.
Gure etorkizun bixkiak
Itsas handian
Bi uhain nahasi izan ditun
Noiz lehertuko gaitun leihorrak hunkitzean?
Hire aratseko hegiaren kontra ene bizkarra
Eta hire mirailean biderkatzen nun
Hire erroetan hire maitatzeko
Hire arrosa eta hire arantzak ukaiteko
Higan sortzen nun goizero.
Nere goizalba eta nere oskorria haiz,
Ene luhartze iheslaria eta ene ordulari finkoa
Ene destinuaren orenak grabeki jotzen ditunena.
Egunaren sapore, gauaren sapore,
Hi haiz, ene amodio, sapa eta fruitu sapore
Usaintzen dudana eta ene gutizia asetzen duena.

 

Higan sortzen nun goizero
Huy Can

euskaratzailea: Lucien Etxezaharreta
Maiatz 30, 1998