ESKERTZEN ZAITUT ENE JAINKOA, Eskertzen zaitut ene Jainkoa, Beltz sortu nauzulako, nigan sortu duzulako oinaze guztien batura, Mundua, ene buru gainean ezarria. Burua bereizi dut Zentauroarengandik eta lehen goizaz geroztik atxikitzen dut Mundua.
Zirkunstantzietako kolorea da zuria; Beltza, eguneroko kolorea, eta lehen gauaz geroztik atxikitzen dut Mundua.
Kontent naiz nire buruaren formaz Mundua atxiki dezan sortua, Satisfos naiz ene sudurraren formaz Munduaren haizeak oro usnatu behar dituena, Uros naiz ene zangoen formaz Munduaren etapak oro lasterkatzen prest.
Eskertzen zaitut ene Jainkoa, Beltz sortu nauzulako, nigan sortu duzulako oinaze guztien batura. Hogeita hamasei ezpatak zulatu dute ene bihotza. Hogeita hamasei su bizik kiskali dute ene gorputza. Eta kalbario guzien gainean elurra gorriztatu du ene odolak, Eta ekialdez ekialde natura gorriztatu du ene odolak.
Kontent naiz hala ere Mundua atxikitzen dudalako, Kontent ene beso motzez ene beso luzeez ene ezpainen lodieraz.
Eskertzen zaitut ene Jainkoa, Beltz sortu nauzulako, Zirkunstantzietako kolorea da zuria; Beltza, eguneroko kolorea, Eta denboren haste beretik atxikitzen dut Mundua. Eta Munduaren gaineko ene irriak, gauean, Eguna sortu du.
ESKERTZEN ZAITUT ENE JAINKOA, |