JAINKOAREN JUDIZIOARI AKABERA EMATEKO
Proposatutako arazoa honetan datza…
Larriena da jakin badakigula mundu honen ordenaren ostean beste bat dagoela. # Zein ordea? # Ez dakigu. # Esparru horretan, balizko suposizioen kopurua eta ordena, hain justu ere, infinitua da! # Eta zer da, bada, infinitua? # Zehazki ez dakigu! # Hitz bat da eta horren bidez adierazi nahi izaten dugu gure kontzientziaren irekiera, zertara eta aukera neurrigabera, amaigabe eta neurrigabera. # Eta, zehazki, zer da kontzientzia? # Zehazki ez dakigu. # Ezereza da. # Ezerez horren bidez adierazi nahi izaten dugu ez dakiguna eta zeren arabera ez dakigun. Horrelakoetan, kontzientzia esaten dugu, kontzientziaren arabera, baina ehun mila alderdi gehiago daude. # Eta orduan? # Dirudienez, gugan kontzientzia sexu-grinari eta goseari lotuta dago; # baina gerta liteke horiei lotuta ez egotea. # Diotenez, esan liteke, bada dioenik kontzientzia nahi bat dela, bizinahia; # eta, hala, bizinahia aipatu eta bat, jateko gogoa etortzen zaigu burura; # jateko gogorik batere gabe jaten duen jendea ez balego bezala, goseak egon arren. # Hori ere gertatzen delako, goseak egotea baina jateko gogorik ez izatea; # Eta orduan? # Orduan # egun batean aukeren eremua egokitu zitzaidan noizbait botako dudan uzker handi baten eran; # ez nekien ordea aukera eta eremua zehazki zer ziren, # eta ez nuen horretan pentsatzeko premiarik, # hitzak besterik ez ziren, izan baziren edo ez ziren gauzak izendatzeko asmatuak, baita premiazko behar larri bati aurre egiteko ere: ideia ezabatu behar da, ideia eta bere mitoa, eta bere ordez koroatu behar leherkor horren adierazpen burrunbatsua: nire baitako gauaren gorputza zabaltzea, # nire niaren baitako ezereza, # gaua bera dena, ezereza, arinkeria, # baina baita lekua egin behar zaion zer edo zer dagoelako baiezko leherkorra ere: # nire gorputza. # Eta egia da nire gorputza gas kirasdun bihurtu behar dela? Gorputza dudala esan dezaket nire baitan gas kirasdun bat eratzen ari delako? # Ez dakit, baina badakit espazioa, denbora, dimentsioa, bilakaera, geroa, etorkizuna, izatea, ez izatea, nia, ez-nia, ez direla deus niretzat; # baina bada zerbait, zer edo zer, gauza bakar bat zer ere badena, eta IRTEN nahi duelako sentitzen dudana: gorputzeko minaren presentzia, nire gorputzaren mehatxuzko presentzia nekagaitza; # galderaz estutzen banaute ere, eta nik guztiei uko egin arren, bada une bat halabeharrez ezetz esan behar dudana, # EZ, # beraz, ukazioari; # eta une hori da estutzen nautenean, # zanpatzen eta jezten nautenean, harik eta nigandik jangaia, nire jangaia eta bere esnea irten arte, # eta zer geratzen da? # Nire itolarria; # eta ez dakit hori ekintza bat den, baina era horretan ni galderaz estututa bertan ez egon eta galdera bera ezereztu arte, gorputzaren ideia eta gorputz izatearena ito dituzte nigan, # eta hori lizuna iruditu zait # eta uzkerra bota dut zentzugabekeriaz, gehiegikeriaz eta nire itolarriaren aurka. # Izan ere, nire gorputza, gorputza bera ere, estu hartzen ari ziren, # eta orduan guztia leherrarazi nuen nire gorputza ezin daitekeelako ukitu sekula.
JAINKOAREN JUDIZIOARI AKABERA EMATEKO |